Lilevents-ի ապրիլյան միջոցառումը՝ նվիրված կանանց առողջությանը

Գործունյա կանայք, գեղեցկություն և խնամք. «Lilevents»-ի հիմնադիր Լիլիթ Հովհաննիսյանը «Էպոս»-ում կազմակերպել էր գարնանային միջոցառում՝ նվիրված կանանց առողջությանն ու խնամքին:
Ցերեկույթը բավականին հագեցած էր և ինֆորմատիվ՝ շնորհիվ բանախոսների՝ «Հելիոս» բժշկական կենտրոնի էսթետ-կոսմետոլոգ Վիկա Սավադյանի և էսթետ-գինեկոլոգ Կարինե Սողոյանի։
Բժիշկների ելույթը տեղեկատվական էր և օգտակար հյուրերի համար։
Էսթետ-բժշկուհի Վիկա Սավադյանը խոսեց լազերային մազահեռացման մասին, իսկ էսթետ-գինեկոլոգ Կարինե Սողոյանը ներկայացրեց էսթետիկ գինեկոլոգիան և նշեց ցուցումները, որոնց դեպքում խորհուրդ է տրվում օգտվել էսթետիկ-գինեկոլոգի ծառայություններից։
Իր խոսքով հանդես եկավ նաև բժիշկ-օրթոդոնտ Լաուրա Շաբոյանը։ Նա մանրակրկիտ պատմեց բրեկետների և ատամնաշարի ճիշտ խնամքի մասին, ինչպես նաև սիրով պատասխանեց հյուրերի բոլոր հարցերին։ Փակ հավաքույթին շոշափվում էին հիմնականում կանացի թեմաներ, ուստի մթնոլորտն ավելի անմիջական էր:
Միջոցառումը տեղեկատվական լինելուց բացի նաև լի էր հաճելի անակնկալներով, որոնք պատրաստել էին գործընկերները։ Խաղարկության միջոցով մասնակիցները շահեցին տարատեսակ նվերներ. Գործընկերների շաքում էին՝ «Talking Candles» էսթետիկ մոմեր ներկայացնող ընկերությունը, «Makyans Nature» հայկական խնամքի միջոցներ ներկայացնող ընկերությունը, որը բոլորի համար պատրաստել էր նվերներ: Նաև «Karni Lady Beauty» սրահը և «Alpecin Armenia»-ն, որը ներկայացնում է բարձրակարգ գերմանական շամպունների լայն տեսականի՝ կախված ձեր գլխամաշկի խնդրից։
Հավելենք, որ թեյերի հյուրասիրությունը ապահովել էր «Ahmad Tea» ընկերությունը, ինչպես նաև պատրաստել էր նվերներ՝ ապակե բաժակներ ու թեյեր ընկերության կողմից։ Իսկ հյուրասիրության հովանավորը «Սու Շեֆ Catering»-ն էր, որը ներկաներին նվիրեց նվեր-քարտեր:

Կարծում ենք՝ լուսանկարների միջոցով ձեզ կհաղորդվեն օրվա ջերմությունն ու դրական լիցքերը։

Նյութի աղբյուր՝ personanews