Դիլիջան Ռեզորթ ՝ կատարյալ վայր հանգստի համար

Հոկտեմբերի 20-ին «Lilevents»-ը «Դիլիջան Ռեզորթ»-ի համար շատ ջերմ և ակտիվ հանգիստ էր կազմակերպել տարբեր ինֆլուենսերների մասնակցությամբ։
Դե մեր հրաշալի հանգիստը սկսվեց առավոտյան շուտ. «ElitBus»-ի ամենահարմարավետ ավտոբուսներով հասանք «Դիլիջան Ռեզորթ», որտեղ մեզ առանձնակի ջերմությամբ դիմավորեց ռեզորթի հյուրընկալ թիմը։
Մեր հյուրերի համար պատրաստել էին ամենահարմարավետ և գեղեցիկ քոթեջները։
Առավոտյան նախաճաշից հետո այցելեցինք Դիլիջանի երկրագիտական թանգարան, ծանոթացանք մի շարք նկարների պատմությանը։
Վերադառնալուն պես մեր հյուրերը հնարավորություն ունեցան օգտվելու հյուրանոցում գործող ՍՊԱ ծառայություններից՝ դեմքի մերսում, շարկո, մարմնի մերսում և մի շարք այլ ծառայություններ։
Դե իսկ երեկոյան ընթրիքը, որը կազմակերպված էր պիանո սրահում, հիացրեց բոլորին՝ ուտեստների բազմազանությամբ, համեղ աղանդներով և ինտերիերի հիանալի լուծումներով։ Հրաշալի երեկոն վայելեցինք պարերի և ուրախ երգերի ներքո։
Վստահեցնում ենք, որ «Դիլիջան Ռեզորթը» իդեալական է ընտանեկան և ընկերական հանգստի համար, քանի որ առողջարանում գործում է ՍՊԱ ծառայություններից օգտվելու հնարավորություն, բազմազան և համեղ ճաշացանկ, հարմարավետ քոթեջներ ու համարներ, լողավազան, դե իսկ գեղեցիկ ու գողտրիկ Դիլիջանի բնությունն էլ Ձեր հանգիստը կդարձնեն կատարյալ։
Մենք վերադարձանք քաղաք ջերմ հուշերով և նորից վերադառնալու ու վայելելու մեծ ցանկությամբ։